Isa 63 | ZomZIV | STEP | Edom-a Bozrah pan hong pai a puan kheisan-a kidiahpa kua ahi hiam? Thupina puanin silh a alian mahmah hatna tawh mai nawtpa kua ahi hiam? “A hon zo dinga thahat, thumaan genpa keimah ka hi hi,”

Isaiah 63

Pasian Phulakna le Tatkhiatna Ni

1 Edom-a Bozrah pan hong pai ^a
a puan kheisan-a kidiahpa kua ahi hiam? ^b
Thupina puanin silh a alian mahmah hatna tawh
mai nawtpa kua ahi hiam? ^c
“A hon zo dinga thahat,
thumaan genpa keimah ka hi hi,” ^d
2 Bang hangin na puante
lenggah cilpa aa bangin san ahi hiam? ^e
3 “Keimah kia in lenggah cilna ka cil khin a, ^f
minamte kuamah in hong ompih kei hi.
Hehsa in amaute ka cilgawp a, ^g
ka thangpai-in ka tuancilgawp hi;
amaute sisan in ka puante theh a; ^h
ka puansilh khempeuh ah ka baangsak hi.
4 Ka lungsimin phulak ni ka ngaihsun a, ⁱ
kei hong kitatkhiatna kum lah a tungta hi.
5 Ka khuadak hangin hong huh ding khat beek om lo a, ^j
hong panpih ding khat beek om loin hong linglawngsak hi;
tua ciangin ka hotkhiatna nasep ka khut in sem a, ^k
ka thangpaihna in keimah hong kipsak hi. ^l
6 Hehsa-in minamte ka tuancilgawp a; ^m
thangpaihna tawh ka amsakgawp a, ⁿ
tua ciangin a sisan uh lei lakah ka buakhia hi. ^o

Phatna le Thungetna

7 Eite adingin TOPA in
a sepnasa tawh kizui-in ama migitna le
a sepnasa hangin phathuai hi -
hihi, Israel innkuante adingin na hoih tampi a bawlnasate, ^p
ama khuatuahna le a migitna tampi tawh kizui-in
TOPA migitna ka gen ding hi. ^q
8 Amah in, “Amaute, ka mite hi takpi a, ^r
kei tunga hong khial lo ding tapate ahi uh hi,” a ci hi;
tua ahi ciangin amaute Honpa a suak hi. ^s
9 Amaute lungdonna khempeuh lungdonpih a,
ama ompihna vansawltak in amaute a hon hi.
Ama itna le a lainatna hangin amaute tankhia a; ^t
amaute laamtoin
tanglai nite khempeuh ah a tonpih den hi. ^u
10 Tua hi napi amaute in lehdo uh a, ^v
ama Khasiangtho a dahsak uh hi.
Tua ciangin amah kihei-in amaute gal suak a, ^w
amah mah in amaute a do hi. ^x
11 Tua ciangin ama mite in tanglai nite,
Moses le a mite hun a phawk ^{▼▼63.11 Ahikeh Ahi hangin amah in sam kik thei hi} kik uh hi -
amaute le a tuute uh,
tuucingpa tawh tuipi kantana
a paipihpa koi-ah om ta ahi hiam?
Amaute lakah Khasiangtho a omsakpa;
12 Moses khut taklam-a om dingin
a minthang a khut vangliatna a sawlpa,
amaute mai-ah tui kikhensak a, ^z
amah a kitheih den nading a ngahpa,
13 tuithukte kantana a makaihpa, koi-ah om ahi hiam? ^aa
Gamlaka sakol bangin
amaute a muktu kei uh hi; ^ab
14 Zanglei zuansuk bawnghon bangin
TOPA Kha in amaute tawldamsak hi.
Nangma min na thansak nadingin
hih bang zia-in na mite na makaih hi.
15 Vantung panin hong ensuk inla, ^ac
a siangtho a minthang sangpi-a om na tokhom panin hong mu in. ^ad
Na deihluatna le na liatna koi-ah om ahi hiam? ^ae
Na lungnemna le na khuatuahna kote tung panin kidokkik ta ahi hiam? ^af
16 Ahi hangin nang kote Pa na hi a, ^ag
Abraham in kote hong thei loin,
Israel in kote hong phawk khak loh hangin
TOPA aw, nang kote Pa,
tang lai-a kipan na min kote Tanpa na hi hi. ^ah
17 TOPA aw, nang kong zahtak loh nadingun
bang hangin na lampi pan hong pialsak-a, ka lungsim uh khauhsak na hi hiam?
Na nasemte, nangma gouluah minamte ^ai
nong khualna-in hong kihei kik in. ^aj
18 Na mite in hun tomno sung nangma munsiangtho nei uh a, ^ak
ahi hangin tu-in ka galte un na munsiangtho tuancil ta uh hi. ^al
19 Tanglai-a kipan kote nang aa ka hi uh hi;
ahi hangin amaute na uk ngei loh,
nang min-a ^{▼▼63.19 Ahikeh Kote nang uk ngei loh ka bang uh a / nang mina kisam kha ngei lote ka bang uh hi.} kisam ngei lote ahi uh hi. ^an